Haud satis est illis utcunque claudere versum, Et res verborum propria vi reddere claras; Omnia sed numeris vocum concordibus aptant, Atque sono, qua… - Marco Girolamo Vida

Praeterea haud lateat te nil conarier artem,
Naturam nisi ut assimulet, propiusque sequatur. Hanc unam vates sibi proposuere magistram:
Quicquid agunt, hujus semper vestigia servant.

Nec dubitem versus hirsuti saepe poetae
Suspensus lustrare, et vestigare legendo,
Sicubi se quaedam forte inter commoda versu
Dicta meo ostendant, quae mox melioribus ipse
Auspiciis proprios possim mihi vertere in usus,
Detersa prorsus prisca rubigine scabra.

Principio quoniam magni commercia coeli
Numina concessere homini, cui carmina curae,
Ipse Deum genitor divinam noluit artem
Omnibus expositam vulgo, immeritisque patere:
Atque ideo, turbam quo longe arceret inertem,
Angustam esse viam voluit, paucisque licere.