Gaius Valerius Flaccus Quotes

No love have they for the slain king; swiftly they hie them to the mountains and the forests.

Haud temere est, fato divum reor ad mea vectos
litora vos.

Stagna vaga sic luce micant ubi Cynthia caelo
prospicit aut medii transit rota candida Phoebi,
tale iubar diffundit aquis: nil umbra comaeque
turbavitque sonus surgentis ad oscula nymphae.
illa avidas iniecta manus heu sera cientem
auxilia et magni referentem nomen amici
detrahit, adiutae prono nam pondere vires.

Dixit et urgentis post saeva piacula fati
nescius extremum hoc armis innectere palmas
dat famulis.

Contra Tartareis Colchis spumare venenis
cunctaque Lethaei quassare silentia rami
perstat et adverso luctantia lumina cantu
obruit atque omnem linguaque manuque fatigat
vim Stygiam.

Spumanti qualis in alto
Pliade capta ratis, trepidi quam sola magistri
cura tenet, rapidum ventis certantibus aequor
intemerata secat, Pollux sic providus ictus
servat.

Prima deum magnis canimus freta pervia natis
fatidicamque ratem, Scythici quae Phasidis oras
ausa sequi mediosque inter iuga concita cursus
rumpere flammifero tandem consedit Olympo.

Et, qua sibi fida magis vis
nulla, Prometheae florem de sanguine fibrae
promit nutritaque gramina monti,
quae sacer ille nives inter tristesque pruinas
durat alitque cruor.

Quid me autem sic ille movet, superetne labores
an cadat?

Nec quibus incipiat demens videt ordine nec quo
quove tenus, prima cupiens effundere voce
omnia, sed nec prima pudor dat verba timenti.

Velut ante comas ac summa cacumina silvae
lenibus adludit flabris levis Auster, at illum
protinus immanem miserae sensere carinae.

At Iuno et summi virgo Iovis intima secum
consilia et varias sociabant pectore curas.

Haud secus in mediis noctis nemoris que tenebris
inciderant ambo attoniti iuxtaque subibant
abietibus tacitis aut immotis cyparissis
adsimiles, rapidus nondum quas miscuit Auster.

Cessit et ad socios paulum se rettulit heros
opperiens.

Latmius aestiva residet venator in umbra
dignus amore deae, velatis cornibus et iam
Luna venit.