Siderea tunc arce pater pulcherrima Graium coepta tuens tantamque operis consurgere molem laetatur.
Et dedit aequoreos caelo duce tendere cursus.
Phoebeius Idmon, ... cui genitor tribuit monitu praenoscere divum omina, seu flammas seu lubrica comminus exta seu plenum certis interroget aera pinnis.
Tela puer facilesque umeris gaudentibus arcus gestat Hylas.
Prima deum magnis canimus freta pervia natis fatidicamque ratem, Scythici quae Phasidis oras ausa sequi mediosque inter iuga concita cursus rumpere flammifero tandem consedit Olympo.