Ille coronatos iamdudum amplectitur ignes, fatidicum sorbens vultu flagrante vaporem. - Publius Papinius Statius

Crimine quo merui, juvenis placidissime divum,
quove errore miser, donis ut solus egerem,
Somne, tuis? tacet omne pecus volucresque feraeque
et simulant fessos curvata cacumina somnos,
nec trucibus fluviis idem sonus; occidit horror
aequoris, et terris maria adclinata quiescunt.

Jamque et flere pio Vesuvina incendia cantu
mens erat et gemitum patriis impendere damnis,
cum pater exemptum terris ad sidera montem
sustulit et late miseras deiecit in urbes.

Dignissima caeli
progenies.