Gratantes plausu excipient: tua gloria coelo Succedet, nomenque tuum sinus ultimus orbis Audiet, ac nullo diffusum abolebitur aevo. - Marco Girolamo Vida

Saepe etiam memorandum inter ludicra memento,
Permiscere aliquid breviter, mortalia corda
Quod moveat, tangens humanae commoda vitae,
Qodque olim jubeant natos meminisse parentes.

Praeterea haud lateat te nil conarier artem,
Naturam nisi ut assimulet, propiusque sequatur. Hanc unam vates sibi proposuere magistram:
Quicquid agunt, hujus semper vestigia servant.

Idcirco si quando ducum referenda virumque
Nomina dura nimis dictu, atque asperrima cultu,
Illa aliqui, nunc addentes, nunc inde putantes
Pauca minutatim, levant, ac mollia reddunt.