Dame naturis menstralis. - Gavin Douglas

Woddis, forrestis, with nakyt bewis blowt,
Stude strippyt of thar weid in every howt.
So bustuusly Boreas his bugill blew,
The deyr full dern doun in the dalis drew;
Smale byrdis, flokkand throu thik ronys thrang,
In chyrmyng and with cheping changit thar sang,
Sekand hidlis and hyrnys thame to hyde
Fra feirfull thuddis of the tempestuus tyde.

Ryveris ran reid on spait with watir broune,
And burnys hurlys all thar bankis doune.

Fyrst I protest, beaw schirris, by зour leif
Beis weill avisit my wark or зhe reprief;
Consider it warly, reid oftar than anys,
Weill at a blenk sle poetry nocht tayn is.