Percutit ore lyram nomenque relinquit harenis. - Gaius Valerius Flaccus

Dixit et urgentis post saeva piacula fati
nescius extremum hoc armis innectere palmas
dat famulis.

Respexit que fores et adhuc invenit euntem,
visus et heu miserae tunc pulchrior hospes amanti
discedens; tales umeros, ea terga relinquit.

Auxerat hora metus, iam se vertentis Olympi
ut faciem raptosque simul montesque locosque
ex oculis circumque graves videre tenebras.
ipsa quies rerum mundique silentia terrent
astraque et effusis stellatus crinibus aether;
ac velut ignota captus regione viarum
noctivagum qui carpit iter non aure quiescit,
non oculis, noctisque metus niger auget utrimque
campus et occurrens umbris maioribus arbor, haud aliter trepidare viri.