Mecum Honor ac Laudes et laeto Gloria vultu et Decus ac niveis Victoria concolor alis. - Silius Italicus

Caeruleas Ticinus aquas et stagna uadoso
perspicuus seruat turbari nescia fundo
ac nitidum uiridi lente trahit amne liquorem.
uix credas labi: ripis tam mitis opacis
argutos inter uolucrum certamine cantus
somniferam ducit lucenti gurgite lympham.

Congesto laevae quodcumque avellitur auro
metitur Latias victrix Carthago ruinas.

At patulo surgens iam dudum ex aequore late
nauticus implebat resonantia litora clamor,
et simul adductis percussa ad pectora tonsis
centeno fractus spumabat verbere pontus.