Beautee eneuch to mak a world to dote. - James I of Scotland

So ferr I fallyng into lufis dance,
That sodeynly my wit, my contenance,
My hert, my will, my nature and my mynd,
Was changit clene ryght in anothir kynd.

The cristall water ran so clere and cold,
That in myn ere maid contynualy
A maner soun, mellit with armony,
That full of lytill fischis by the brym
Now here now there with bakkis blewe as lede
Lap and playit, and in a rout can swym
So prattily, and dressit tham to sprede
Thair curall fynnis as the ruby rede,
That in the sonne on thair scalis bryght
As gesserant ay glitterit in my sight.

The bird, the best, the fisch eke in the see,
They live in fredome, everich in his kynd.
And I a man, and lakkith libertee.