James I of Scotland Quotes

And therewith kest I doun myn eye ageyne,
Quhare as I sawe, walking under the tour,
Full secretly new cummyn hir to pleyne,
The fairest or the freschest yonge floure
That ever I sawe, me thoght, before that houre,
For quhich sodayn abate anon astert
The blude of all my body to my hert.

Worschippe, ye that loveris bene this May,
For of your blisse the kalendis are begonne,
And sing with us, “away, winter, away!
Cum, somer, cum, the suete sesoun and sonne!”

Now was there maid fast by the touris wall
A gardyn fair, and in the corneris set
Ane herber grene with wandis long and small
Railit about; and so with treis set
Was all the place, and hawthorn hegis knet.

The bird, the best, the fisch eke in the see,
They live in fredome, everich in his kynd.
And I a man, and lakkith libertee.

The cristall water ran so clere and cold,
That in myn ere maid contynualy
A maner soun, mellit with armony,
That full of lytill fischis by the brym
Now here now there with bakkis blewe as lede
Lap and playit, and in a rout can swym
So prattily, and dressit tham to sprede
Thair curall fynnis as the ruby rede,
That in the sonne on thair scalis bryght
As gesserant ay glitterit in my sight.

Beautee eneuch to mak a world to dote.

So ferr I fallyng into lufis dance,
That sodeynly my wit, my contenance,
My hert, my will, my nature and my mynd,
Was changit clene ryght in anothir kynd.