Ipse viam tantum potui docuisse repertam Aonas ad montes, longeque ostendere Musas Plaudentes celsae choreas in vertice rupis. - Marco Girolamo Vida

Ludimus effigiem belli, simulataque veris
Praelia, buxo acies fictas, et ludicra regna,
Ut gemini inter se reges albusque, nigerque
Pro laude oppositi certent bicoloribus armis.

Saepe etiam memorandum inter ludicra memento,
Permiscere aliquid breviter, mortalia corda
Quod moveat, tangens humanae commoda vitae,
Qodque olim jubeant natos meminisse parentes.

Principio quoniam magni commercia coeli
Numina concessere homini, cui carmina curae,
Ipse Deum genitor divinam noluit artem
Omnibus expositam vulgo, immeritisque patere:
Atque ideo, turbam quo longe arceret inertem,
Angustam esse viam voluit, paucisque licere.