Ludimus effigiem belli, simulataque veris Praelia, buxo acies fictas, et ludicra regna, Ut gemini inter se reges albusque, nigerque Pro laude opposit… - Marco Girolamo Vida

Jam vero cum rem propones, nomine nunquam
Prodere conveniet manifesto: semper opertis
Indiciis, longe et verborum ambage petita
Significant, umbraque obducunt: inde tamen, ceu
Sublustri e nebula, rerum tralucet imago
Clarius, et certis datur omnia cernere signis.
Hinc si dura mihi passus dicendus Ulysses,
Non ilium vero memorabo nomine, sed qui
Et mores hominum multorum vidit et urbes
Naufragus, eversae post saeva incendia Trojae,
Addam alia, angustis complectens omnia dictis.

Idcirco si quando ducum referenda virumque
Nomina dura nimis dictu, atque asperrima cultu,
Illa aliqui, nunc addentes, nunc inde putantes
Pauca minutatim, levant, ac mollia reddunt.

Nec dubitem versus hirsuti saepe poetae
Suspensus lustrare, et vestigare legendo,
Sicubi se quaedam forte inter commoda versu
Dicta meo ostendant, quae mox melioribus ipse
Auspiciis proprios possim mihi vertere in usus,
Detersa prorsus prisca rubigine scabra.