Laurence Minot Quotes

Men may rede in romance right
Of a grete clerk that Merlin hight;
Ful many bokes er of him wreten,
Als thir clerkes wele may witten;
And yit in many prive nokes
May men find of Merlin bokes.

Merlin said thus with his mowth,
Out of the north into the sowth
Suld cum a bare over the se
That suld mak many man to fle;
And in the se, he said ful right,
Suld he schew ful mekill might;
And in France he suld bigin
To mak tham wrath that er tharein

Whare er ye, Skottes of Saint Johnes toune?
The boste of yowre baner es betin all doune;
When ye bosting will bede, sir Edward es boune
For to kindel yow care and crak yowre crowne:
He has crakked yowre croune, wele worth the while;
Schame bityde the Skottes, for thai er full of gile

Skottes out of Berwik and of Abirdene,
At the Bannok burn war ye to kene,
Thare slogh ye many sakles, als it was sene
And now has king Edward wroken it, I wene,
It es wrokin, I wene, wele wurth the while;
War yit with the Skottes, for thai er ful of gile.

Fro Philip the Valais was sir David sent
All Ingland to win fro Twede unto Trent

In this dale I droupe and dare
For dern dedes that done me dere.
Of Ingland had my hert grete care
When Edward founded first to were.
The Franche men war frek to fare
Ogaines him with scheld and spere,
Thai turned ogayn with sides sare,
And al thaire pomp noght worth a pere.

Oure king and his men held the felde
Stalwortly, with spere and schelde
And thoght to win his right,
With lordes and with knightes kene
And other doghty men bydene,
That war ful frek to fight.

Ihesu, for thi woundes five,
in Ingland help us to have pese.

The Scottes with thaire falshede thus went thai obout
For to win Ingland whils Edward was out.
For Cuthbert of Dorem haved thai no dout;
Tharfore at Nevel cros law gan thai lout,
Thare louted thai law and leved allane:
Thus was David the Bruse into the toure tane.