Aequa lege Necessitas
Sortitur insignes et imos;
Omne capax movet urna nomen.

Adeo nihil est miserum nisi cum putes, contraque beata sors omnis est aequanimitate tolerantis.

Non enim amat Deus damnare sed salvare, et ideo patiens est in malos, ut de malis faciat bonos.

Quibus enim nihil est in ipsis opis ad bene beateque vivendum, eis omnis aetas gravis est; qui autem omnia bona a se ipsi petunt, eis nihil potest malum videri quod naturae necessitas afferat. quo in genere est in primis senectus, quam ut adipiscantur omnes optant, eandem accusant adeptam; tanta est stultitiae inconstantia atque perversitas. obrepere aiunt eam citius quam putassent. primum quis coegit eos falsum putare? qui enim citius adulescentiae senectus quam pueritiae adulescentia obrepit? deinde qui minus gravis esset eis senectus, si octingentesimum annum agerent, quam si octogesimum? praeterita enim aetas quamvis longa, cum effluxisset, nulla consolatione permulcere posset stultam senectutem.

Nequam illud verbum‘st, Bene vult, nisi qui bene facit.

Neque enim tantum id dico, eum qui sit orator virum bonum esse oportere, sed ne futurum quidem oratorem nisi virum bonum. Nam certe neque intellegentiam concesseris iis qui proposita honestorum ac turpium via peiorem sequi malent, neque prudentiam, cum in gravissimas frequenter legum, semper vero malae conscientiae poenas a semet ipsis inproviso rerum exitu induantur.

Nusquam est qui ubique est. Vitam in peregrinatione exigentibus hoc evenit, ut multa hospitia habeant, nullas amicitias.

Nihil enim malo quam et me mei similem esse et illos sui.

Numquam se minus otiosum esse, quam cum otiosus; nec minus solum, quam cum solus esset

Quamlibet saepe obligati, si quid unum neges, hoc solum meminerunt quod negatum est.

Necessitas dat legem non ipsa accipit.

Estque pati poenam quam meruisse minus.

Paulo hoc melius quam mediocre, hoc minus malum quam ut pessumum.

Mos antiquis fuit, usque ad meam servatus aetatem, primis epistulae verbis adicere 'si vales bene est, ego valeo'. Recte nos dicimus 'si philosopharis, bene est'. Valere enim hoc demum est. Sine hoc aeger est animus.